యువహీరో వరుణ్‌తేజ్‌ నటిస్తున్న మాస్‌ యాక్షన్‌ ఎంటర్‌టైనర్‌ మట్కా. నోరా ఫతేహీ, మీనాక్షి చౌదరి కథానాయికలు. కరుణకుమార్‌ ఈ చిత్రానికి దర్శకుడు. రజనీ తాళ్లూరి, డాక్టర్‌ విజయేందర్‌రెడ్డి తీగల నిర్మాత లు. హై బడ్జెట్‌తో, అత్యున్నత సాంకేతిక విలువలతో తెరకెక్కుతున్న ఈ సినిమా కొత్త షెడ్యూల్‌ ఈ నెల 19 నుంచి మొదలుకానుంది. ఇందుకోసం హైదరాబాద్‌ ఆర్‌ఎఫ్‌సీలో మ్యాసీవ్‌ సెట్‌ను మేకర్స్‌ నిర్మించారు. నటుడిగా వరుణ్‌ కెరీర్‌లో ఈ సినిమా ఓ చాలెంజింగ్‌ మూవీ ఇదని, ఇందులో ఆయన నాలుగు డిఫరెంట్‌ గెటప్పుల్లో కనిపించనున్నారని మేకర్స్‌ తెలిపారు.
దేశాన్ని కదిలించిన ఓ యథార్థ సంఘటన ఆధారంగా డిఫరెంట్‌ టైమ్స్‌లో సెట్‌ చేయబడిన కథ ఇదని, త్వరలో మరిన్ని వివరాలతో మీ ముందుకొస్తా మని మేకర్స్‌ తెలిపారు. ఈ పాన్‌ ఇండియా సినిమాలో నవీన్‌ చంద్ర, అజయ్‌ఘోష్‌, కన్నడ కిశోర్‌, రవీంద్ర విజయ్‌, పి.రవిశంకర్‌ ఇతర పాత్రధారులు. ఈ చిత్రానికి కెమెరా: ఏ.కిశోర్‌కుమార్‌, సంగీతం: జివీ ప్రకాశ్‌కుమార్‌, నిర్మాణం: వైర ఎంటర్‌టైన్‌మెంట్స్‌, ఎస్‌ఆర్‌టీ ఎంటర్‌టైన్‌మెంట్స్‌.
