హీరో అఖిల్ అక్కినేని టైటిల్ రోల్ పోషిస్తున్న చిత్రం ఏజెంట్. సురేందర్ రెడ్డి దర్శకత్వం వహిస్తున్నాడు. యాక్షన్ ఓరియెంటెడ్ స్టోరీతో తెరకెక్కుతున్న ఈ చిత్రంతో మోడల్ సాక్షి వైద్య హీరోయిన్గా పరిచమవుతుంది. ఈ చిత్రాన్ని ఏకే ఎంటర్టైన్మెంట్స్, సురేందర్ 2 సినిమా బ్యానర్లు సంయుక్తంగా తెరకెక్కిస్తున్నాయి. ఈ చిత్రానికి వక్కంతం వంశీ కథనందిస్తున్నారు. ఏజెంట్లో మలయాళ స్టార్ హీరో మమ్ముట్టి కీలక పాత్రలో నటిస్తున్నాడు. మురళీ శర్మ, పోసాని కృష్ణమురళి ఇతర కీలక పాత్రలు పోషిస్తున్నారు.
ఈ సినిమా నుంచి మళ్లీ మళ్లీ నువ్వే సాంగ్ లిరికల్ వీడియోను మేకర్స్ విడుదల చేశారు.మళ్లీ మళ్లీ నువ్వే ఎదురెదురొస్తే.. దట్స్ ఏ సైన్ అని మనసంటుందే అంటూ సాగుతున్న ఈ పాటను ఆదిత్యా అయ్యంగార్ రాయగా, హిప్ హాప్ తమిజా కంపోజ్ చేస్తూ పాడాడు. హిప్ హాప్ తమిజా వెస్టర్న్ స్టైల్లో సాగుతున్న ఈ పాట మ్యూజిక్ లవర్స్ ను ఇంప్రెస్ చేస్తోంది. ఇప్పటికే విడుదలైన ఏజెంట్ టీజర్లో అఖిల్ స్టన్నింగ్ యాక్షన్ అవతార్లో కనిపిస్తూ అంచనాలు పెంచేస్తున్నాడు. ఏప్రిల్ 28న ప్రపంచవ్యాప్తంగా ప్రధాన భారతీయ భాషల్లో గ్రాండ్గా విడుదల కానుంది.
