తెలంగాణ సంస్కృతి, సంప్రదాయాలను ప్రతిబింబించే బతుకమ్మ సంబురాలను తెలుగు అసోసియేషన్ ఆఫ్ ఆస్ట్రియా ఆధ్వర్యంలో అంగరంగ వైభవంగా జరుపుకున్నారు. ఆస్ట్రియాలోని వియన్నా నగరంలో బతుకమ్మ సంబురాలు అంబరాన్నంటాయి. ఆడపడుచులు రంగు రంగుల పూలతో బతుకమ్మలను తీర్చిదిద్ది బతుకమ్మ ఆటపాటలతో ఆడిపాడారు. ఈ కార్యక్రమాన్ని శ్రీలత రెడ్డి, శారద , మంజుల రెడ్డి , జయశ్రీ ,రామ మాధవి , రజిత తదితరులు ఆధ్వర్యంలో నిర్వహించారు. ఈ వేడుకల్లో ఎన్ఆర్ఐ మహిళలు, చిన్నారులు ఉత్సాహంగా పాల్గొన్నారు.
