అరుదైన వజ్రం.. వేలంలో ప్రపంచ రికార్డు

గులాబీ రంగులో ధగ ధగా మెరిసిపోతున్న ఈ అరుదైన వజ్రం హాంకాంగ్లో జరిగిన వేలంలో రూ.412 కోట్ల ( 49.9 మిలియన్ డాలర్లు) ధర పలికింది. క్యారెట్ పరంగా వేలంలో ఈ స్థాయి అత్యధిక ధర పలకడం ప్రపంచ రికార్డు. 11.15 క్యారెట్ల ఈ విలియమ్సన్ పింక్ స్టార్ డైమండ్ అంచనా ధర రూ.173.5 కోట్లు ( 21 మిలియన్ డాలర్లు) గా, రెట్టింపు ధరను మించి పలికింది. ప్రముఖ సంస్థ సదబీస్ దీన్ని వేలం వేసింది. రెండు ప్రపంచ ప్రఖ్యాత పింక్ వజ్రాల వరుసలో ఈ వజ్రానికి విలియమ్సన్ పింక్ స్టార్ డైమండ్ అనే పేరు వచ్చింది. 23.60 క్యారెట్ల మొదటి విలియమ్సన్ డైమండ్ను తన వివాహ వేడుకలో (1947) బ్రిటన్ రాణి ఏలిజబెత్`2 కానుకగా అందుకొన్నారు. 59.60 క్యారెట్ల రెండో పింక్ స్టార్ డైమండ్ 2017 వేలంలో రూ.588 కోట్ల (71 మిలియన్ డాలర్లు) రికార్డు ధరకు అమ్ముడుపోయింది.