నిఖిల్ హీరోగా తెరకెక్కుతున్న మూవీ స్పై. ప్రముఖ ఎడిట‌ర్ గ్యారీ బీహెచ్ ద‌ర్శకుడు. నిఖిల్‌కు జోడీగా సాన్య థాకూర్‌, ఐశ్వర్య మీనన్‌లు నటిస్తున్నారు. యాక్షన్‌ థ్రిల్లర్‌ నేపథ్యంలో తెరకెక్కిన ఈ సినిమాను ఈడి ఎంట‌ర్టైన‌మెంట్స్ ప‌తాకంపై రాజ‌శేఖ‌ర్ రెడ్డి, చ‌ర‌ణ్ తేజ్ ఉప్పల‌పాటిలు సంయుక్తంగా నిర్మిస్తున్నారు. ఐశ్వర్య రాజేష్‌ కీలకపాత్రలో నటిస్తున్నారు. ఇప్పటికే రిలీజైన ఫస్ట్‌లుక్‌ పోస్టర్‌, టీజర్లకు తిరుగులేని రెస్పాన్స్ వచ్చింది. తాజాగా ఈ సినిమా ఫస్ట్ సింగిల్ ను మేకర్స్ రిలీజ్ చేశారు.
జూమ్ జూమ్ అంటూ సాగే మెలోడియస్ పాట శ్రోతలను తెగ ఆకట్టుకుంటుంది. విశాల్ చంద్ర శేఖర్ స్వర పరిచిన ఈ గీతాన్ని అనురాగ్ కులకర్ణి, రమ్య బెహరా ఆలపించారు. కిట్టు విస్సప్రగాడ సాహిత్యం అందించాడు. జూన్ 29న విడుదల కాబోతున్న ఈ సినిమాలో స్వాతంత్రోద్యమ నేత సుభాష్ చంద్రబోస్‌కి సంబంధించిన రహస్యాన్ని ఈ సినిమాలో చూపించబోతున్నట్లు టీజర్ తో స్పష్టం చేశారు. ఈ సినిమాకు శ్రీచరణ్‌ పాకాల, విశాల్ చంద్రశేఖర్ సంగీతం స్వరపరుస్తు న్నారు.
