రామ్‌ కథానాయకుడిగా బోయపాటి శ్రీను దర్శకత్వంలో రూపొందిస్తున్న చిత్రం స్కంద. శ్రీనివాస సిల్వర్‌ స్క్రీన్‌ పతాకంపై శ్రీనివాస చిట్టూరి నిర్మిస్తున్నారు. ఈ సినిమాలోని కల్ట్ మామా అనే ప్రత్యేక గీతాన్ని ఈ నెల 18న విడుదల చేయబోతున్నారు. ఇందులో హీరో రామ్‌తో కలిసి బాలీవుడ్‌ భామ ఊర్వశీ రౌతేలా స్టెప్పులేయనుంది. ఈ సందర్భంగా కొత్త పోస్టర్‌ను విడుదల చేశారు. ఇందులో రామ్‌ మాస్‌ లుక్‌లో కనిపిస్తుండగా, ఊర్వశీ రౌతేలా గ్లామరస్‌గా ఆకట్టుకుంటున్నది. తొలి మూడు పాటలకు మంచి స్పందన లభించిందని, కల్ట్ మామా ఐటెంసాంగ్‌ జోష్‌ను పంచుతుందని చిత్రబృందం పేర్కొంది. సాయిమంజ్రేకర్‌, శ్రీకాంత్‌, గౌతమి తదితరులు నటిస్తున్నారు. ఈ నెల 28న విడుదల కానుంది. ఈ చిత్రానికి కెమెరా: సంతోష్‌ డిటాకే, సంగీతం: తమన్‌, రచన-దర్శకత్వం: బోయపాటి శ్రీను.
