సూపర్‌స్టార్‌ రజనీకాంత్‌ కీలక పాత్రలో నటిస్తున్న చిత్రం లాల్ సలాం. విష్ణు విశాల్‌, విక్రాంత్‌ కథానాయకులు. లైకా ప్రొడక్షన్స్‌ సంస్థ నిర్మిస్తున్నది. ఐశ్వర్య రజనీకాంత్‌ దర్శకత్వం వహిస్తున్నారు. ఈ సినిమాలో రజనీకాంత్‌ ముంబయి మాఫియా డాన్‌ మొయిద్దీన్‌ భాయ్‌గా కనిపించనున్నారు. కొద్ది రోజుల క్రితం విడుదల చేసిన ఆయన ఫస్ట్‌లుక్‌కు మంచి స్పందన లభించింది. క్రికెట్‌ నేపథ్యంలో మాఫియా ఇతివృత్తంతో ఈ చిత్రాన్ని తెరకెక్కిస్తున్నారు. క్రికెట్‌ లెజెండ్‌ కపిల్‌దేవ్‌ ఓ పాత్రను పోషించారు. ప్రస్తుతం ఈ చిత్రానికి సంబంధించిన నిర్మాణానంతర కార్యక్రమాలు జరుగుతున్నాయి. ఈ చిత్రాన్ని సంక్రాంతికి ప్రపంచవ్యాప్తంగా భారీ స్థాయిలో విడుదల చేయబోతున్నట్లు నిర్మాణ సంస్థ ప్రకటించింది. ఈ చిత్రానికి కెమెరా: విష్ణు రంగస్వామి, సంగీతం: ఏ.ఆర్‌.రెహమాన్‌, సమర్పణ: సుభాస్కరన్‌, స్క్రీన్‌ప్లే, దర్శకత్వం: ఐశ్వర్య రజనీకాంత్‌.
