సుధీష్ వెంకట్, అంకిత సాహ జంటగా నటిస్తున్న పాషన్ చిత్రం హైదరాబాద్లో ప్రారంభమైంది. అరవింద్ జోషువా దర్శకుడు. డాక్టర్ అరుణ్, నరసింహ, ఏ.పద్మనాభ రెడ్డి నిర్మాతలు. ముహూర్తపు సన్నివేశానికి ప్రముఖ దర్శకుడు శేఖర్ కమ్ముల క్లాప్నివ్వగా, అరుణ్కుమార్ కెమెరా స్విఛాన్ చేశారు. ఈ సందర్భంగా మాట్లాడిన శేఖర్ కమ్ముల హ్యాపీడేస్ మూవీలా ఈ సినిమా కూడా యువతను ప్రభావితం చేస్తుందన్నారు. దర్శకుడు మాట్లాడుతూ నేను రాసిన పాషన్ అనే నవల ఆధారంగా ఈ చిత్రాన్ని తెరకెక్కిస్తున్నాం. కొత్తదనంతో కూడుకున్న కథ ఇది అన్నారు. ఈ చిత్రానికి కెమెరా: సురేష్ నటరాజన్, నిర్మాణ సంస్థ: తోలు బొమ్మలాట ఫిల్మ్స్, రచన-దర్శకత్వం: అరవింద్ జోషువా.
