ఎన్టీఆర్‌, రామ్‌ చరణ్‌ హీరోలుగా దర్శకధీరుడు రాజమౌళి తెరకెక్కిస్తున్న చిత్రం ఆర్ఆర్ఆర్. అయితే ఈ షూటింగ్ మొత్తం పూర్తయినట్లు చిత్రం బృందం అధికారికంగా ప్రకటించింది. ఇటీవల ఉక్రెయిన్‌ లో చేసిన చివరి షెడ్యూల్ తో ఈ సినిమా మొత్తం పూర్తయింది. ఒకటి రెండు పికప్‌ షాట్స్‌ తప్ప సినిమా షూటింగ్ మొత్తం పూర్తయిందని, నిర్మాణానంతర కార్యక్రమాలు శరవేగంగా జరుగుతున్నాయని, రిలీజ్‌ తదితర ఇతర అప్ డేట్స్‌ని వీలయినంత త్వరగా ప్రకటిస్తామని మీడియాకు తెలియచేశాయి. అక్టోబర్‌ లో విజయదశమి కానుకగా విడుదల అవుతుందని అందరూ ఎదురు చూస్తున్నారు. మరి చెప్పినట్లుగా రాజమౌళి అండ్ కో దసరాకే రిలీజ్‌ చేస్తారా? లేక సంక్రాంతికి వాయిదా వేస్తారా? అన్నది తేలాల్సి ఉంది. అయితే సినిమా విడుదలపై సప్పెన్స్‌ నెలకొంది. వచ్చే ఏడాది పోస్ట్‌ పోన్‌ అవుతుందని వినిపిస్తోంది. దీంతో ఇక చిత్రం విడుదల వాయిదా పడుతుందని అభిమానులు భావిస్తున్నారు.
