సూర్య కథానాయకుడిగా నటిస్తున్న పీరియాడిక్‌ చిత్రం కంగువ. శివ దర్శకత్వం. స్టూడియో గ్రీన్‌, యూవీ క్రియేషన్స్‌ నిర్మిస్తున్నాయి. దిశాపటానీ, యోగిబాబు, బాబీ డియోల్‌ తదితరులు నటిస్తున్నారు. ఈ చిత్రాన్ని పది భాషల్లో తెరకెక్కిస్తున్నారు. పీరియాడిక్‌ యాక్షన్‌ ఫిల్మ్‌గా భారీ హంగులతో తెరకెక్కిస్తున్నారు. ఇందులో యుద్ధవీరుడి పాత్రలో సూర్య కనిపించనున్నారు. అంతర్జాతీయ ప్రమాణాలతో తెరకెక్కిస్తున్న ఈ సినిమా థియేట్రికల్‌ రిలీజ్ డేట్‌ను త్వరలో ప్రకటించనున్నారు. త్రీడీ ఫార్మాట్‌లో ఈ చిత్రం ప్రేక్షకుల ముందుకు రానుంది. నిర్మాణానంతర కార్యకమ్రాల్లో భాగంగా డబ్బింగ్ పనులను మొదలుపెట్టారు. హీరో సూర్య డబ్బింగ్ వర్క్‌ స్టార్ట్ చేశాడు. ఈ సందర్భంగా చిత్ర బృందం ఆ ఫొటోను విడుదల చేసింది. ఈ చిత్రానికి కెమెరా: వెట్రి పళనిస్వామి, కథ: శివ, ఆది నారాయణ, నిర్మాతలు: కేఈ జ్ఞానేవేల్‌ రాజా, వంశీ, ప్రమోద్‌, దర్శకత్వం: శివ.
