సినిమాపై ప్రేమతో అవకాశాలకోసం సినీరంగానికి వచ్చిన నలుగురు యువకులు సినీలోకంలో ఎదుర్కొన్న సవాళ్లే ప్రధానాంశంగా రూపొందిన చిత్రం ఇట్లు.. మీ సినిమా. అభిరామ్‌, వెన్నెల, మనోహర్‌, పవన్‌, కృష్ణ, మంజుల ప్రధాన పాత్రధారులు. హరీశ్‌ చావా దర్శకుడు. నోరి నాగప్రసాద్‌ నిర్మాత. ఈ సందర్భంగా ట్రైలర్‌ విడుదల కార్యక్రమాన్ని హైదరాబాద్‌లో నిర్వహించారు.
ఈ కార్యక్రామానికి అతిథులుగా దర్శకులు రేలంగి నరసింహారావు, వి.సముద్ర, దర్శకుల సంఘం అధ్యక్షుడు వీరశంకర్‌, తుమ్మలపల్లి రామసత్యనారాయణ, టి.ప్రసన్నకుమార్‌, రచయిత నాగబాల సురేశ్‌ విచ్చేసి చిత్ర యూనిట్‌కి శుభాకాంక్షలు అందించారు. అన్ని ఎమోషన్సూ ఉన్న ఈ సినిమా అందరికీ నచ్చుతుందని దర్శకుడు చెప్పారు. ఈ నెల 21న సినిమా విడుదల కానుంది.
