నార్నే నితిన్‌, నయన్‌ సారిక జంటగా నటిస్తున్న చిత్రం ఆయ్. అంజి కంచిపల్లి దర్శకుడు. అల్లు అరవింద్‌ సమర్పణలో జీఏ2 పిక్చర్స్‌ పతాకంపై బన్నీ వాసు, విద్యా కొప్పినీడి నిర్మిస్తున్నారు. ఈ చిత్రాన్ని స్వాతంత్య్ర దినోత్సవం సందర్భంగా ఆగస్ట్‌ 15న విడుదల చేయబోతున్నారు. ఈ విషయాన్ని నిర్మాతలు అధికారికంగా ప్రకటిస్తూ సినిమా తాలూకు కొత్త పోస్టర్స్‌ను రిలీజ్ చేశారు.
గోదావరి నేపథ్యంలో నడిచే అందమైన ప్రేమకథా చిత్రమిది. లవ్‌, ఫ్యామిలీ ఎమోషన్స్‌, కామెడీ ప్రధానంగా ఆకట్టుకుంటుంది. ఇప్పటికే విడుదలైన పాటలు, ప్రచార చిత్రాలకు మంచి స్పందన లభిస్తున్నది. ప్రపంచ వ్యాప్తంగా భారీ స్థాయిలో విడుదలకు సన్నాహాలు చేస్తున్నాం అన్నారు. ఈ చిత్రానికి సినిమాటోగ్రఫీ: సమీర్‌ కల్యాణి, సంగీతం: రామ్‌ మిర్యాల, సమర్పణ: అల్లు అరవింద్‌, దర్శకుడు: అంజి కంచిపల్లి.
