ఆంధ్రప్రదేశ్ నూతన ముఖ్యమంత్రిగా బాధ్యతలు చేపట్టిన తెలుగుదేశం పార్టీ అధినేత చంద్రబాబు నాయుడును తానా ప్రతినిధులు కలిశారు. వెలగపూడిలోని సచివాలయంలో మర్యాదపూర్వకంగా కలిసి శుభాకాంక్షలు తెలిపారు. ఎన్నికల్లో టీడీపీ విజయం కోసం పనిచేసిన ప్రవాసాంధ్రులను ఈ సందర్భంగా చంద్రబాబు అభినందించారు. అమెరికాలో తెలుగు సంఘాల శక్తి సామర్థ్యాల్ని విరివిగా వినియోగించగలిగే ఒక సమగ్ర నివేదికను రూపొందించేందుకు ప్రభుత్వం సంసిద్ధమై ఉందని వారికి హామీ ఇచ్చారు. ఈ కార్యక్రమం లో తానా అధ్యక్షుడు నిరంజన్ శృంగవరపు, మాజీ అధ్యక్షుడు జయశేఖర్ తాళ్లూరి, తానా చికాగో తెలుగు సంఘం ప్రతినిధి రవిచంద్ర అనుమాల, తానా న్యూయార్క్ ప్రతినిధి వంశీ వాసిరెడ్డి పాల్గొన్నారు.
