విశ్వక్సేన్ కొత్త సినిమా మొదలైంది. వీఎస్‌13 వర్కింగ్‌ టైటిల్‌తో మొదలైన ఈ చిత్రానికి దర్శకుడు శ్రీధర్‌ గంట. సుధాకర్‌ చెరుకూరి నిర్మాత. ఈ చిత్రం షూటింగ్‌ పూజాకార్యక్రమాలతో లాంఛనంగా మొదలైంది. ముహూర్తపు సన్నివేశానికి విశ్వంభర దర్శకుడు వశిష్ట క్లాప్‌ ఇవ్వగా, శ్రీకాంత్‌ ఓదెల కెమెరా స్విచాన్‌ చేశారు. నిర్మాతలు నాగవంశీ, సాహు గారపాటి, స్క్రిప్ట్‌ని మేకర్స్‌కి అందించారు. ఈ చిత్రంలో విశ్వక్సేన్ ఫెరోషియస్‌ పోలీస్‌గా కనిపించనున్నారు.
ఇటీవల ఈ లుక్‌లో పోస్టర్‌ని కూడా మేకర్స్‌ విడుదల చేసిన విషయం తెలిసిందే. విలేజ్‌ బ్యాక్‌డ్రాప్‌లో సాగే ఈ యూనిక్‌ పొలిటికల్‌ యాక్షన్‌ డ్రామా రెగ్యులర్‌ షూటింగ్‌ వచ్చే నెల నుంచి మొదలవుతుందని, ఎవ్రీ యాక్షన్‌ ఫైర్స్‌ ఏ రియాక్షన్‌ అనే ట్యాగ్‌లైన్‌తో తెరకెక్కుతున్న ఈ చిత్రంలో కన్నడ నటి సంపద కథానాయి కగా నటిస్తున్నది. ఈ చిత్రానికి కెమెరా: ‘తంగలాన్‌’ఫేం కిశోర్‌కుమార్‌, సంగీతం: అజనీష్‌ లోక్‌నాథ్‌, నిర్మాణం: ఎస్‌ఎల్వీ సినిమాస్‌.
