దిలీప్‌ప్రకాష్‌, రెజీనా ప్రధాన పాత్రల్లో నటిస్తున్న చిత్రం ఉత్సవం. అర్జున్‌సాయి దర్శకుడు. సురేష్‌ పాటిల్‌ నిర్మాత. సెప్టెంబర్‌ 13న ప్రేక్షకుల ముందుకురానుంది. ఈ సినిమా నుంచి మ్యారేజెస్ ఆర్ మేడిన్‌ హెవెన్ అనే గీతాన్ని విడుదల చేశారు. అనూప్‌రూబెన్స్‌ మెలోడీ ప్రధానంగా ఈ పాటను కంపోజ్‌ చేశారు. అనంత్‌ శ్రీరామ్‌ రాసిన ఈ గీతాన్ని అర్మాన్‌ మాలిక్‌ ఆలపించాడు. ఈ పాటలో నాయకానాయికల కెమిస్ట్రీ ఆకట్టుకునేలా ఉంది. ఫీల్‌గుడ్‌ రొమాంటిక్‌ ఎంటర్‌టైనర్‌గా చిత్రాన్ని తెరకెక్కిస్తున్నామని, వినోదం, కుటుంబ బంధాల కలబో తగా ఆకట్టుకుంటుందని మేకర్స్‌ తెలిపారు. ప్రకాష్‌రాజ్‌, నాజర్‌, రాజేంద్రప్రసాద్‌ తదితరులు నటిస్తున్నారు. ఈ చిత్రానికి కెమెరా: రసూల్‌ ఎల్లోర్‌, రచన-దర్శకత్వం: అర్జున్‌సాయి.
