కమల్‌హాసన్‌ కథానాయకుడిగా నటిస్తున్న చిత్రం థగ్‌లైఫ్‌. మణిరత్నం దర్శకత్వం. కమల్‌హాసన్‌ జన్మదినాన్ని పురస్కరించుకొని టీజర్‌తో పాటు రిలీజ్ డేట్‌ను ప్రకటించారు. ఈ చిత్రాన్ని వచ్చే ఏడాది జూన్‌ 5న విడుదల చేయబోతున్నారు. టీజర్‌ యాక్షన్‌ హంగులతో ఆకట్టుకుంది. విజువల్స్‌ను బట్టి గ్యాంగ్‌స్టర్‌ డ్రామాగా ఈ చిత్రాన్ని తెరకెక్కించారని అర్థమవుతున్నది. కమల్‌హాసన్‌ గెటప్‌, లుక్స్‌ విభిన్నంగా కనిపించాయి. పవర్‌ఫుల్‌ యాక్షన్‌ డ్రామాగా ఈ సినిమా ప్రేక్షకుల్ని మెప్పిస్తుందని, కమల్‌హాసన్‌ నట విశ్వరూపాన్ని ఆవిష్కరిస్తుందని మేకర్స్‌ పేర్కొన్నారు. త్రిష, అశోక్‌ సెల్వన్‌, ఐశ్వర్యలక్ష్మి, అభిరామి, నాజర్‌ తదితరులు నటిస్తున్నారు. ఈ చిత్రానికి కెమెరా: రవి కె చంద్రన్‌, సంగీతం: ఏ.ఆర్‌.రెహమాన్‌, రచన-దర్శకత్వం: మణిరత్నం.
