ప్ర‌ముఖ పారిశ్రామికవేత్త జ‌య‌దేవ్ గల్లా త‌న‌యుడు అశోక్‌ గల్లా ప్ర‌ధాన పాత్ర‌లో న‌టిస్తున్న తాజా చిత్రం దేవకీ నందన వాసుదేవ. ప్ర‌శాంత్ వర్మ ఈ చిత్రానికి కథనందిస్తుండ‌గా, అర్జున్‌ జంధ్యాల దర్శకత్వం వహిస్తు న్నాడు. ఇప్ప‌టికే ఈ షూటింగ్ కంప్లీట్ చేసుకున్న ఈ చిత్రం విడుద‌ల‌కు రెడీ అవుతున్న విష‌యం తెలిసిం దే. ఈ సినిమాను న‌వంబ‌ర్ 14న విడుద‌ల చేయ‌నున్న‌ట్లు చిత్ర‌బృందం ప్ర‌క‌టించిన విష‌యం తెలిసిందే. అయితే ఇదే రోజున టాలీవుడ్ నుంచి వ‌రుణ్ తేజ్ మ‌ట్కాతో పాటు కోలీవుడ్ నుంచి సూర్య కంగువ ప్రేక్ష‌కుల ముందుకు రాబోతున్నాయి. దీంతో రెండు పెద్ద సినిమాల మ‌ధ్య ఈ సినిమా విడుద‌ల కానుడటంతో మూవీపై ఎఫెక్ట్ ప‌డే అవ‌కాశం ఉంద‌ని భావించిన మేక‌ర్స్ తాజాగా మూవీ వారం రోజుల‌కు వాయిదా వేశారు. ఈ సంద‌ర్భంగా కొత్త విడుద‌ల తేదీని ప్ర‌క‌టించారు. ఈ సినిమాను న‌వంబ‌ర్ 22న ప్రేక్ష‌కుల ముందుకు తీసుకురానున్న‌ట్లు తెలిపారు.
ఈ సినిమాలో అశోక్‌ గల్లా సరసన హీరోయిన్‌గా మాజీ మిస్‌ ఇండియా మానస వారణాసి న‌టిస్తుంది. నల్లపనేని యామిని సమర్పణలో లలితాంబికా ప్రొడక్షన్స్ బ్యానర్‌పై సోమినేని బాలకృష్ణ (ఎన్‌ఆర్‌ఐ) ఈ మూవీని తెరకె క్కిస్తున్నారు. ఈ సినిమాకు సాయి మాధవ్‌ బుర్రా సంభాషణలు అందిస్తుండగా, భీమ్స్ సిసిరోలియో మ్యూజిక్, బ్యాక్‌ గ్రౌండ్‌ స్కోర్‌ అందిస్తున్నాడు. ఈ చిత్రానికి ప్రసాద్‌ మూరెళ్ల సినిమాటోగ్రాఫర్‌ కాగా తమ్మిరాజు ఎడిటర్.
