లక్ష్మీరాయ్‌ ప్రధాన పాత్రలో రూపొందుతోన్న చిత్రం ఝాన్సీ ఐపీఎస్. గురుప్రసాద్‌ దర్శకత్వం. ఈ చిత్రాన్ని ఆర్‌కే ఫిల్మ్స్‌ పతాకంపై ఆర్‌కే గౌడ్‌ తెలుగు ప్రేక్షకులకు అందిస్తున్నారు. సోమవారం నిర్వహించిన ప్రీరిలీజ్‌ వేడుకకు ప్రముఖ నిర్మాణ ఏఎం రత్నం, సీనియర్‌ నటుడు సుమన్ ముఖ్యఅతిథులుగా హాజరయ్యారు. ప్రముఖ హీరో సుమన్ చేతుల మీదుగా ట్రైలర్ విడుదల చేసారు. ఈ సందర్భంగా సుమన్ మాట్లాడుతూ నేటి మహిళలు మరింతగా పోలీస్‌ డిపార్ట్‌మెంట్‌లోకి రావాల్సిన అవసరం ఉందని, ఈ సినిమా వారికి స్ఫూర్తినిస్తుం దని చెప్పారు. తాను నిర్మించిన కర్తవ్యం సినిమా మహిళలు పోలీస్‌ శాఖలోకి రావడానికి ప్రేరణ నిచ్చిందని, అదే తరహాలో ఝాన్సీ ఐపీఎస్ ఆకట్టుకుంటుందని ఏఎం రత్నం పేర్కొన్నారు. ఈ సినిమాలో లక్ష్మీరాయ్‌ నటన హైలైట్‌గా నిలుస్తుందని, ముఖ్యంగా పోరాటఘట్టాలు థ్రిల్‌ని పంచుతాయని, త్వరలో మహిళా కబడ్డీ జట్టు అనే సినిమా చేయబోతున్నామని నిర్మాత ఆర్‌కే గౌడ్‌ తెలిపారు. ఈ నెల 29న విడుదలకానుంది.
