అగ్ర హీరో వెంకటేష్‌ నటిస్తున్న తాజా చిత్రం సంక్రాంతికి వస్తున్నాం. ఐశ్వర్యరాజేష్‌, మీనాక్షి చౌదరి కథానాయికలు. అనిల్‌ రావిపూడి దర్శకత్వం. ఈ చిత్రాన్ని దిల్‌ రాజు సమర్పణలో శిరీష్‌ నిర్మిస్తున్నారు. ఏడేళ్ల తర్వాత ఈ సినిమా లో సంక్రాంతి స్పెషల్‌ సాంగ్‌కు వెంకటేష్‌ గాత్రాన్ని అందించారు. గతంలో గురు సినిమాలో ఆయన పాడిన జింగిడి జింగిడి పాటకు చక్కటి ఆదరణ లభించింది. ఈ నేపథ్యంలో సంక్రాంతికి వస్తున్నాం సినిమా కోసం ఆయన మరో మారు గొంతు సవరించారు.
బిహైండ్‌ వీడియో పేరుతో ఈ పాట తాలూకు విశేషాలను పంచుకున్నారు. ఈ పాటను తానే పాడతానని వెంకటేష్‌ ఆసక్తిని వ్యక్తం చేశారని, సినిమాలో ఈ పాట హైలైట్‌గా నిలుస్తుందని, ప్రస్తుతం ఈ ఫెస్టివల్‌ సాంగ్‌ చిత్రీకరణ జరుగుతున్నదని మేకర్స్‌ తెలిపారు. ఈ చిత్రంలో వెంకటేష్‌ పోలీసాఫీసర్‌గా కనిపించనున్నారు. క్రైమ్‌ కామెడీ ఎంటర్‌టైనర్‌గా తెరకెక్కించారు. ఈ సినిమాలో గా నటించారు. భీమ్స్‌సిసిరోలియో సంగీతాన్నందించారు. జనవరి 14న ప్రేక్షకుల ముందుకురానుంది.
