యువహీరో విశ్వక్సేన్ నటిస్తున్న రొమాంటిక్ యాక్షన్ ఎంటైర్టెనర్ లైలా. ఆకాంక్ష శర్మ కథానాయిక. రామ్ నారాయణ్ దర్శకుడు. సాహు గారపాటి నిర్మాత. ఈ సందర్భంగా మేకర్స్ ప్రమోషన్స్ మొదలుపెట్టి, తొలి పాటను విడుదల చేశారు. తాజాగా ఈ మూవీ నుంచి సోను మోడల్ ఫుల్ సాంగ్ ను మేకర్స్ విడుదల చేశారు. ఈ పాటకు హీరో విశ్వక్సేన్ స్వయంగా రాయగా, లియోన్ జేమ్స్ స్వరపరిచారు. నారాయణ్ రవిశంకర్, రేష్మా శ్యామ్ ఆలపించారు.
విశ్వక్సేన్ పోషించిన సోను పాత్ర తీరుతెన్నులను ప్రజెంట్ చేస్తూ ఈ పాట సాగింది. తన ప్రత్యేకమైన స్కిల్తో అమ్మాయిల మనసుల్ని సోనూ ఎలా గెలుచుకుంటాడో ఈ పాట చెబుతుంది. విశ్వక్సేన్లోని ఎనర్జీ, అతని డైనమిక్ డాన్స్ మూమెంట్స్ ఈ పాటకు హైలైట్స్గా నిలుస్తాయని మేకర్స్ చెబుతున్నారు. వాలంటైన్ డే కానుకగా ఫిబ్రవరి 14న సినిమా విడుదల కానుంది. ఈ చిత్రానికి రచన: వాసుదేవమూర్తి, కెమెరా: రిచర్డ్ ప్రసాద్, నిర్మాణం: షైన్ స్క్రీన్స్.
