అక్కినేని నాగచైతన్య, సాయి పల్లవి జంటగా నటించిన చిత్రం తండేల్. ప్రపంచవ్యాప్తంగా ఫిబ్రవరి 7న విడుదల కానున్న నేపథ్యంలో ఈ చిత్ర తమిళ ట్రైలర్ను చెన్నైలో విడుదల చేశారు. తమిళ నటుడు కార్తి ముఖ్య అతిథిగా హాజరయ్యారు. సంగీత దర్శకుడు దేవీశ్రీ ప్రసాద్ అందమైన పాటలను ఇచ్చారన్నారు. అనంతరం నాగ చైతన్య మాట్లాడుతూ ఇలాంటి సినిమాను నాపై నమ్మకంతో చేసినందుకు నిజంగా అదృష్టంగా భావిస్తున్నాను. ఇలాంటి సినిమాలు చేసే అవకాశాలు అరుదుగా వస్తుంటాయి. శ్రీకాకుళంలోని తండేల్స్ నా రియల్ హీరోలు అని అన్నారు. సాయి పల్లవి మాట్లాడుతూ నాగచైతన్య అద్భుతంగా తన పాత్రలో ఒదిగిపోయి ప్రాణం పెట్టి నటించారు. ఈ కార్యక్రమంలో అల్లు అరవింద్, దేవిశ్రీ ప్రసాద్, ఎస్.ఆర్. ప్రభు, కార్తిక్ సుబ్బురాజ, నటులు నరేన్, కరుణాకరన్ తదితరులు పాల్గొన్నారు.
