పుష్ప సినీ ప్రయాణంలో ఐదు నిమిషాల నుంచి ఐదేండ్ల వరకూ భాగమైన ప్రతి ఒక్కరికీ నా కృతజ్ఞతలు. ఈ సక్సెస్ క్రెడిట్ దర్శకుడు సుకుమార్తో పాటు సినిమా కోసం కష్టపడి పనిచేసిన టీమ్కు దక్కుతుంది. ఆయన సీన్ చెప్తుంటే పిచ్చెక్కిపోతుంది. ఈ సినిమా కోసం వెచ్చించిన ఐదేళ్లు నాకెంతో ప్రత్యేకం. ఈ సినిమా అందరికీ జీవితాంతం గుర్తుండిపోతుంది. పుష్ప 3 ఓ అద్భుతం అని పుష్ప 2 థ్యాంక్స్ మీట్లో అల్లు అర్జున్ అన్నారు.
దర్శకుడు సుకుమార్ మాట్లాడుతూ మైత్రీ మూవీస్ సీఈఓ చెర్రీ సలహాతోనే పుష్ప మూడు భాగాలుగా తయారైంది. ఈ విజయం మైతీ మూవీ మేకర్స్కి అంకితం చేస్తున్నాను. ఈ ప్రపంచంలో నన్ను ఎక్కువగా నమ్మే వ్యక్తి అల్లు అర్జున్ అని చెప్పారు. ఈ సినిమా విజయం ఎంతో మంది కష్టంతో వచ్చింది. ఈ విజయానికి కారణమైన ప్రతీ ఒక్కరికీ ధన్యవాదాలు అని నిర్మాత యలమంచిలి రవిశంకర్ అన్నారు. నిర్మాత నవీన్ యెర్నేని మాట్లాడుతూ సినిమా అంచనాలను మించి కలెక్ట్ చేస్తుందని అనుకున్నాం కానీ, ఇంత ఘనవిజయం సాధిస్తుందని అనుకోలేదు అని తెలిపారు.
