ప్రతాని రామకృష్ణగౌడ్‌ స్వీయ దర్శకనిర్మాణంలో తెరకెక్కించిన చిత్రం దీక్ష. లవ్‌ అండ్‌ యాక్షన్‌ ఎంటర్‌టైనర్‌ ఇది. కిరణ్‌, అలేఖ్య రెడ్డి జంటగా నటించారు. చిత్రీకరణ పూర్తయింది. ప్రస్తుతం నిర్మాణానంతర కార్యక్రమాలు జరుగుతున్నాయి. ఈ సందర్భంగా దర్శకనిర్మాత ప్రతాని రామకృష్ణగౌడ్‌ చిత్ర విశేషాలు తెలియజేస్తూ ఒక వ్యక్తి దీక్ష, పట్టుదలతో పనిచేస్తే ఏదైనా సాధించవచ్చనే పాయింట్‌ ఆధారంగా ఈ చిత్రాన్ని తెరకెక్కించాం. కథలోని మైథలాజికల్‌ అంశాలు ఆసక్తికరంగా ఉంటాయి. కథానుగుణంగా అద్భుతమైన సంగీతం కుదిరింది. ఐదు పాటలు ప్రేక్షకుల్ని అలరించేలా ఉంటాయి. త్వరలో విడుదల తేదీని ప్రకటిస్తాం అన్నారు. ఆక్సఖాన్‌, తులసి, అనూష తదితరులు ప్రధాన పాత్రల్లో నటించారు.
