కన్నడ నటుడు రిషబ్ శెట్టి నటించి, దర్శకత్వం వహించిన చిత్రం కాంతార ఛాప్టర్-1. 2022లో వచ్చిన బ్లాక్బస్టర్ హిట్ కాంతార కు ప్రీక్వెల్ ఇది. ఈ నేపథ్యంలో మేకర్స్ క్రమంగా ప్రచార కార్యక్రమాలకు నడుం బిగించారు. అయితే ఇప్పటి వరకు ఈ చిత్రం నుంచి ఎలాంటి అప్డేట్, నటుల వివరాలు వెళ్లండించని మేకర్స్ తాజాగా శుక్రవారం ఈ చిత్రంలో కథానాయికగా చేస్తోన్న రుక్మిణీ వసంత్ లుక్ రివీల్ చేస్తూ ఓ పోస్టర్ విడుదల చేశారు. కనకవతి పాత్రను పరిచయం చేస్తున్నాం అంటూ అధికారికంగా ప్రకటించారు. రాజసం ఉట్టి పడేలా రుక్మిణీ లుక్ అదిరిపోయింది. హోంబలే ఫిల్మ్స్ నిర్మిస్తున్న ఈ చిత్రం ఇప్పటికే చిత్రీకరణ పూర్తిచేసుకుంది. అక్టోబర్ 2న పాన్ ఇండియా స్థాయిలో ప్రేక్షకుల ముందుకురానుంది.
