అమెరికా మెరైన్ కార్ప్స్ 246వ వార్షికోత్సవాలు హైదరాబాద్లోని యూఎస్ కాన్సులేట్లో ఘనంగా నిర్వహించారు. యూఎస్ కాన్సులేట్ జనరల్ జోయల్ రీఫ్మ్యాన్ ఆధ్వర్యంలో జరిగిన ఈ కార్యక్రమానికి ఇండియన్ నేవీ ఈస్ట్రన్ ఫ్లీట్ ఫ్లాగ్ రేర్ అడ్మిరల్ తరుణ్ సోబతి హాజరయ్యారు. హైదరాబాద్ కార్యాలయంలో తొలిసారి ఈ వేడుకలు జరుపుకోవడం ఆనందంగా ఉందని రీఫ్మ్యాన్ అన్నారు. భారత నేవీ అధికారి హాజరుకావడం ఇరుదేశాల మధ్య సత్సంబంధాలను సూచిస్తోందని పేర్కొన్నారు. 181 దేశాల్లో ఉన్న అమెరికన్ కాన్సులేట్ కార్యాలయాలకు యూఎస్ మెరైన్ కార్ప్స్ రక్షణ సేవలు అందిస్తారు.
