తాజా చిత్రం లెనిన్ విషయంలో హీరో అక్కినేని అఖిల్ ప్రత్యేక శ్రద్ధ తీసుకుంటున్నారు. ఇప్పటికే విడుదలైన ప్రచార చిత్రాలు సినిమాపై ఆసక్తిని పెంచాయి. రాయలసీయ గ్రామీణ నేపథ్యంలో బలమైన సామాజికాంశాలతో ఈ చిత్రాన్ని తెరకెక్కిస్తున్నారని తెలిసింది. మురళీకిషోర్ అబ్బూరు దర్శకత్వం వహిస్తున్న ఈ చిత్రాన్ని మనం ఎంటర్ప్రైజెస్, సితార ఎంటర్టైన్మెంట్స్ పతాకాలపై అక్కినేని నాగార్జున, సూర్యదేవర నాగవంశీ నిర్మిస్తున్నారు. భాగ్యశ్రీ బోర్సే కథానాయిక. అక్కినేని అఖిల్ పుట్టినరోజు సందర్భంగా స్పెషల్ పోస్టర్ను విడుదల చేయడంతో పాటు రిలీజ్ డేట్ను ప్రకటించారు. ఈ సినిమా జూన్ 26న ప్రేక్షకుల ముందుకురానుంది. ఈ సినిమాలో అఖిల్ గత చిత్రాలకు పూర్తి భిన్నంగా కనిపిస్తాడని, ఆయన మేకోవర్ సర్ప్రైజ్ చేస్తుందని, కెరీర్కు మలుపునిచ్చే చిత్రమవుతుందని మేకర్స్ ధీమా వ్యక్తం చేస్తున్నారు. ఈ చిత్రానికి తమన్ స్వరకర్త.
