త్వరలో పెళ్లి పీటలెక్కనున్న అక్కినేని నాగచైతన్య, శోభితా ధూళిపాళ్ల గోవాలో జరుగుతున్న భారత అంతర్జాతీయ చిత్రోత్సవం(ఇఫీ)లో సందడి చేశారు. అక్కినేని నాగేశ్వరరావు శతజయంతి సందర్భంగా ఆయన నటించిన అజరామర చిత్రాలను ఈ చిత్రోత్సవంలో ప్రదర్శించనున్నారు. ఈ నేపథ్యంలో అక్కినేని నాగార్జున, అమల దంపతులు బుధవారం జరిగిన ప్రారంభోత్సవ కార్యక్రమంలో పాల్గొన్నారు. నాగచైతన్య, శోభితా గురువారం జంటగా ఈ కార్యక్రమానికి హాజరయ్యారు. వీరంతా కలసి రెడ్‌కార్పెట్‌పై ఫొటోలకు పోజులిస్తూ ప్రత్యేకాకర్షణగా నిలిచారు.
