బ్రిటన్ ప్రధానిగా ఇటీవల పగ్గాలు చేపట్టిన రిషి సునాక్ నాయకత్వానికి తొలి ఎన్నికల పరీక్షగా భావించిన కీలక ఉప ఎన్నికల్లో ప్రతిపక్ష లేబర్ పార్టీ అభ్యర్థి మెరుగైన మెజార్టీతో విజయం సాధించారు. వాయవ్య ఇంగ్లాండ్లోని చెస్టర్ నియోజకవర్గానికి జరిగిన ఈ ఎన్నిక ఫలితం వెల్లడైంది. లేబర్ పార్టీకి చెందిన సమంత డిక్సన్ 17,309 ఓట్లతో ఈ స్థానాన్ని నిలబెట్టుకున్నారు. 61 శాతం ఓట్ల షేర్ సొంతం చేసుకొన్న ఈమె కన్జర్వేటివ్ పార్టీకి చెందిన తన ప్రత్యర్థి కంటే దాదాపు 11 వేల ఓట్లు అధికంగా సాధించారు.
