చైనాలో గత ఏడాది జనాభా గణనీయంగా తగ్గినట్లు అధికారులు ప్రకటించారు. గడిచిన 60 ఏళ్లతో పోలిస్తే గత ఏడాదిలె తొలిసారి జనాభా సంఖ్య తగ్గినట్లు తెలిపారు. దీనికి సంబంధించిన డేటాను కూడా అధికారులు వెల్లడించారు. 2020 చివరి నాటికి చైనా జనాభా 141750000గా ఉన్నట్లు అంచనా వేశారు. బీజింగ్లోని నేషనల్ బ్యూరో ఆఫ్ స్టాటిస్టిక్స్ ఈ రిపోర్ట్ను రిలీజ్చేసింది. అంతకముందు ఏడాదితో పోలిస్తే జనాభా 8,50,000 తగ్గినట్లు తేల్చారు. గత ఏడాది చైనాలో సుమారు 95 లక్షల మంది జన్మించినట్లు ఎన్బీఎస్ పేర్కొన్నది. ఇక మరణించినవారి సంఖ్య కోటి 4 లక్షలు ఉన్నట్లు తెలిపారు. సుమారు 140 కోట్ల జనాభా ఉన్న చైనాలో ప్రస్తుతం జనన రేటు తగ్గినట్లు అంచనాకు వచ్చారు. దీని వల్ల ఆర్థిక ప్రగతిపై ప్రభావం పడే అవకాశం ఉందని భావిస్తున్నారు.
