అనిక సురేంద్రన్, అర్జున్ దాస్, సూర్య వశిష్ట ప్రధాన పాత్రల్లో నటిస్తున్న సినిమా బుట్ట బొమ్మ. సూర్యదేవర నాగవంశీ, సాయి సౌజన్య నిర్మాతలు. శౌరి చంద్రశేఖర్ రమేష్ దర్శకుడు. ఈ చిత్రం నుంచి పేరు లేని ఊరులోకి అనే పాటను విడుదల చేశారు. సనాపతి భరద్వాజ్ పాత్రుడు సాహిత్యాన్ని అందించిన ఈ పాటను స్వీకర్ అగస్తి స్వరపర్చగా, మోహన భోగరాజు పాడారు. చిన్న చిన్న విషయాల్లో ఆనందాన్ని వెతుక్కునే సత్య అనే అందమైన అమ్మాయి ప్రేమ కథ ఇది. ఆహ్లాదకర గ్రామీణ వాతావరణంలో రూపొందించిన ఈ పాట సినిమాకు ఆకర్షణ అవుతుందని చిత్రబృందం చెబుతున్నారు. నవ్య స్వామి, నర్రా శీను, పమ్మి సాయి, వాసు ఇంటూరి తదితరులు ఇతర పాత్రల్లో నటిస్తున్నారు. ఈ సినిమాలో నవ్య స్వామి, నర్రా శ్రీను, పమ్మి సాయి, కార్తీక్ ప్రసాద్, వాసు ఇంటూరి, మిర్చి కిరణ్, కంచరపాలెం కిషోర్, మధుమణి తదితరులు ముఖ్య పాత్రలు పోషిస్తున్నారు. జనవరి 26న ప్రేక్షకుల ముందుకురానుంది.
సాంకేతిక వర్గం:
సినిమాటోగ్రఫీ: వంశీ పచ్చిపులుసు, సంభాషణలు: గణేష్ కుమార్ రావూరి, ఎడిటర్: నవీన్ నూలి, ప్రొడక్షన్ డిజైనర్: వివేక్ అన్నామలై, ప్రొడక్షన్ కంట్రోలర్: సిహెచ్ రామకృష్ణా రెడ్డి, పీఆర్ఓ: లక్ష్మి వేణుగోపాల్, నిర్మాతలు: ఎస్ నాగవంశీ, సాయి సౌజన్య,దర్శకత్వం: శౌరి చంద్రశేఖర్ రమేష్.
