భారత్ నుంచి పరారైన స్వయం ప్రకటిత స్వామీజీ నిత్యానంద యునైటెడ్ స్టేట్స్ ఆఫ్ కైలాస దేశం పేరిట అమెరికాలోని 30 నగరాలతో సాంస్కృతిక భాగస్వామ్యం చేసుకోవడం అమెరికావ్యాప్తంగా చర్చనీయాంశమైంది. కైలాసతో ఈ ఏడాది జనవరి 12న నెవార్క్ నగరం సోదరి నగరంగా ఒప్పందం చేసుకుంది. రిచ్మండ్, వర్జీనియా, డైటన్, ఒహాయో, ఫ్లోరిడా వంటి పెద్ద నగరాలు కూడా ఇలాంటి ఒప్పందాల్ని చేసుకున్నాయి. యునైటెడ్ స్టేట్స్ ఆఫ్ కైలాస గురించి గూగుల్లో వెతికినా వివరాలు లభించేవి. కానీ అలాంటి ప్రయత్నాలేవీ అమెరికా నగరాలు చేయలేదు. ఇక, ఒప్పందం చేసుకున్న నెవార్క్ నగర అధికారులు ఈ పరిణామంపై స్పందించారు. నిజం తెలిసిన వెంటనే ఒప్పందాన్ని రద్దు చేశామని విచారం వ్యక్తం చేశారు.
