ఎప్పుడెప్పుడా అని ఎదురుచూస్తున్న మూవీ ఆర్టిస్టు అసోసియేషన్‌ (మా) ఎన్నికలు రానే వచ్చాయి. ఎన్నికల తేదీని మా క్రమశిక్షణ సంఘం ప్రకటించింది. ఎన్నికలను అక్టోబరు 10న నిర్వహించనున్నట్టు వెల్లడిరచింది. ఇటీవల అసోసియేషన్‌ క్రమశిక్షణ సంఘం సర్వసభ సమావేశం నిర్వహించింది. ఇందులో ఎన్నికలు త్వరగా నిర్వహించాలనే డిమాండ్‌ రావడంతో ఈ మేరకు నిర్ణయం తీసుకుంది. ప్రస్తుతానికైతే అధ్యక్ష బరిలో ప్రకాశ్‌ రాజ్‌, మంచు విష్ణు, హేమ, సీవీఎల్‌ నరసింహారావు ఉన్నారు. నామినేషన్ల ఆఖరు తేదీ నాటికి ఇంకా ఎవరైనా బరిలోకి దిగుతారా? అనే ఉత్కంఠ ఉంది.
మా శాశ్వత భవన నిర్మాణమే ప్రధాన అజెండాగా ఈసారి ఎన్నికలు జరగబోతున్నాయి. మరోవైపు ఇంతకు ముందు మంచు విష్ణు మాట్లాడుతూ ఏకగ్రీవ ఎన్నికలకు అందరూ అంగీకరిస్తే తాను కూడా సిద్ధమేనని ప్రకటించారు. ఎన్నికల తేదీ వెలువడిన నేపథ్యంలో ప్రచారపర్వం ప్రారంభం కానుంది. అభ్యుర్థులు, వారి ప్యానల్స్‌ సభ్యులు ప్రచారాన్ని ముమ్మరం చేయనున్నారు.
