తరుణ్ భాస్కర్ దర్శకత్వంలో తెరకెక్కుతున్న కల్ట్ సీక్వెల్ ఈఎన్ఈ రిపీట్ లో విశ్వక్ సేన్, అభినవ్ గోమఠం, వెంకటేష్ కాకుమాను, శ్రీనాథ్ మాగంటి ప్రధాన పాత్రల్లో నటిస్తున్నారు. ఎస్ ఒరిజినల్స్, రూట్‌నోడ్ సినిమా బ్యానర్లపై సృజన్ యరబోలు, సందీప్ నాగిరెడ్డి ఈ చిత్రాన్ని నిర్మిస్తున్నారు. తొలిపార్ట్‌లో తమదైన కామెడీతో అలరించిన ఈ గ్యాంగ్‌ మరోమారు ప్రేక్షకులకు నవ్వుల్ని పంచేందుకు ముందుకొస్తున్నది.
ఈ సినిమా ట్రైలర్‌ను ఈ నెల 3న విడుదల చేయబోతున్నట్లు మేకర్స్‌ తెలిపారు. ఈ సందర్భంగా బాయ్స్‌ కొత్త మిషన్‌తో తిరిగి వచ్చారు. మీ గ్యాంగ్‌తో రెడీ అయిపోండి అనే క్యాప్షన్‌తో రిలీజ్ చేసిన పోస్టర్‌ ఆకట్టుకునేలా ఉంది. నవంబర్‌ 19న ఈ సినిమా విడుదలకానుంది. ఈ చిత్రానికి సంగీతం: వివేక్‌సాగర్‌, నిర్మాతలు: సృజన్ యరబోలు, సందీప్ నాగిరెడ్డి, రచన-దర్శకత్వం: తరుణ్‌భాస్కర్‌.
