వెన్నెల కిషోర్‌, అనన్య నాగళ్ల ప్రధాన పాత్రల్లో రైటర్‌ మోహన్‌ దర్శకత్వంలో రూపొందుతున్న క్రైమ్‌ కామెడీ థ్రిల్లర్‌ శ్రీకాకుళం షెర్లాక్ హోమ్స్. వెన్నపూస రమణా రెడ్డి నిర్మాత. సీయా గౌతమ్‌, స్నేహ గుప్తా, రవితేజ తదితరులు నటిస్తున్నారు. ఈ సినిమా నుంచి మా ఊరు శ్రీకాకుళం అంటూ సాగే తొలి గీతాన్ని రిలీజ్ చేశారు. సునీల్‌ కశ్యప్‌ స్వరపరచిన ఈ పాటను రామజోగయ్య శాస్త్రి రచించారు. మంగ్లీ ఆలపించింది. శ్రీకాకుళం ప్రాంతం గొప్పదనాన్ని తెలియజేస్తూ చక్కటి విజువల్స్‌తో ఈ పాట ఆకట్టుకునేలా ఉంది. వెన్నెల కిషోర్‌ కెరీర్‌లో ఇదొక డిఫరెంట్‌ మూవీ అవుతుందని, వినోదం మేళవించిన గూఢచారి కథాంశమని చిత్ర బృందం పేర్కొంది. త్వరలో విడుదలకు సిద్ధమవుతున్నది. ఈ చిత్రానికి కెమెరా: మల్లికార్జున్‌ ఎన్‌, సంగీతం: సునీల్‌ కశ్యప్‌, రచన-దర్శకత్వం: రైటర్‌ మోహన్‌.
