జయకృష్ణ ఘట్టమనేని హీరోగా పరిచయం అవుతున్న చిత్రం శ్రీనివాస మంగాపురం. డా.మోహన్బాబు కీలక పాత్ర పోషిస్తున్నారు. రషా తడాని కథానాయిక. అజయ్ భూపతి దర్శకుడు. అగ్ర నిర్మాత సి.అశ్వనీదత్ సమర్పణలో పి.కిరణ్ నిర్మిస్తున్న ఈ చిత్రం షూటింగ్ తుది దశకు చేరుకున్నది. ప్రచారంలో భాగంగా ఈ సినిమాలోని తొలి పాటను విడుదల చేశారు.
అగ్ర హీరో నాని పాట ను ఆవిష్కరించి చిత్రబృందానికి శుభాకాంక్షలు అందించారు. అల్లెల్లే.. అల్లెల్లే.. అదిరే కలలే.. అల్లెల్లే.. అల్లెల్లే.. కలిసే ఎదలే.. అంటూ సాగే ఈ పాటను శ్రీమణి రాయగా, జీవీ ప్రకాశ్కుమార్ స్వరపరచి, హరిప్రియతో కలిసి ఆలపించారు. మెలోడియస్గా మొదలై, ఉత్సాహవంతంగా ఈ ట్రాక్ సాగింది. ప్రేమలోని భావోద్వేగాలను ఆవిష్కరిస్తూ సాగిన ఈ పాటకు జయకృష్ణ, రషా కెమిస్ట్రీ ప్రత్యేక ఆకర్షణగా నిలిచింది. విజువల్స్ కూడా అందంగా ఉన్నాయి. త్వరలో విడుదల కానున్న ఈ చిత్రానికి కెమెరా: జయకృష్ణ ఐఎస్సీ, నిర్మాణం: చందమామ కథలు.
