ప్రపంచంలోనే అత్యంత వృద్ధురాలు ఇకలేరు

ప్రపంచంలోనే అత్యంత వృద్ధురాలు, ఫ్రెంచ్ సన్యాసిని సిస్టర్ లూసిల్ రాండన్ (118) కన్నుమూశారు. సిస్టర్ ఆండ్రీగా గుర్తింపు పొందిన ఆమె ఫ్రాన్స్లోని టౌలాన్ ఉన్న తన నర్సింగ్ హోమ్లో తుదిశ్వాస విడిచారు. ఈ మేరకు ఆండ్రీ ప్రతినిధి డేవిడ్ తవెల్లా వెల్లడించారు. లూసిల్ రాండన్ 1904, ఫిబ్రవరి 11న జన్మించారు. ఆమె అసలుపేరు లూసిల్ రాండన్. 1944లో సిస్టర్ ఆండ్రీగా మారిన ఆమె 1918లో స్పానిష్ ఫ్లూ మహమ్మారి నుంచి బయటపడ్డారు. కొవిడ్-19 నుంచి బయటపడిన అత్యంత వృద్ధురాలిగా గుర్తింపు పొందారు. రెండు ప్రపంచ యుద్ధాలను కళ్లారా చూసిన వ్యక్తిగా గుర్తింపు పొందారు. ఉపాధ్యాయురాలిగా, గవర్నస్గా పనిచేశారు. విచీ, ఆవెర్గ్నే-రోన్-ఆల్ఫ్స్లోని దవాఖానలో 28 ఏళ్లపాటు అనాథలు, వృద్ధులకు సేవలు అందించారు. ఇప్పటి వరకు నమోదైన ఫ్రెంచ్, యూరోపియన్ వృద్ధులలో ఆండ్రీ మూడో వ్యక్తిగా రికార్డుల్లో నిలిచారు. మరో నెల రోజుల్లో 119వ పుట్టినరోజు జరుపుకోనుండగా ఆమె మరణించడం గమనార్హం.