భారతదేశంలో స్టార్‌లింక్ శాటిలైట్ ఇంటర్నెట్ సేవల ప్రారంభంలో చోటుచేసుకుంటున్న జాప్యంపై టెస్లా, స్పేస్‌ఎక్స్ అధినేత ఎలాన్ మస్క్ మ‌రోసారి సంచ‌ల‌న వ్యాఖ్య‌లు చేశారు. రిలయన్స్ ఇండస్ట్రీస్ చైర్మన్ ముకేశ్ అంబానీని ఉద్దేశిస్తూ మస్క్ విమ‌ర్శ‌లు గుప్పించాడు. భారత టెలికామ్ మార్కెట్‌లో అంబానీ తన గుత్తాధిపత్యాన్ని కాపాడుకునేందుకే స్టార్‌లింక్ ప్రవేశానికి అడ్డంకులు సృష్టిస్తున్నారని మస్క్ ఆరోపించాడు.
ప్రచారాన్ని సామాజిక మాధ్యమాల్లో ముమ్మరం చేయడానికి అవసరమైన నిధుల్ని రిలయన్స్‌తో సంబంధం ఉన్న కంపెనీ సమకూర్చిందని తాజాగా ఆరోపించాడు. స్టార్‌లింక్ వాణిజ్య ప్రారంభం ఎందుకు పెండింగ్‌లో ఉందో నిలదీస్తూ, మస్క్ అంబానీని ఇటీవ‌ల వ్యంగ్యంగా ప్రధానమంత్రి అంబానీ అని సంబోధించారు. భారతదేశంలో స్టార్‌లింక్‌తో పోటీ రాకుండా అంబానీ తన మార్కెట్ ఆధిపత్యాన్ని కాపాడుకోవాలని చూస్తున్నారని మస్క్ ఆరోపించినప్పటికీ, ఈ వ్యాఖ్యలపై రిలయన్స్ సంస్థ ఇప్పటివరకు బహిరంగంగా స్పందించలేదు.
