రోహిత్ బెహల్, అపర్ణ జనార్ధన్ జంటగా నటిస్తున్న చిత్రం లవ్ యూ రామ్. డి.వై. చౌదరి దర్శకుడు. శ్రీచక్ర ఫిలింస్ పతాకంపై కె.దశరథ్, డి. వై చౌదరి నిర్మిస్తున్నారు. ఈ సినిమాలోని మనసు మాట వినదే అనే గీతాన్ని అగ్ర నటుడు నాగార్జున విడుదల చేశారు. కె.వేద స్వరపరచిన ఈ పాటకు వరికుప్పల యాదగిరి సాహిత్యాన్ని అందించారు. దివ్యమాలిక ఆలపించారు.
ప్రేమలోని సున్నితమైన భావాల్ని అందంగా ఆవిష్కరిస్తూ సాగిందీ గీతం. ఫీల్గుడ్ రొమాంటిక్ ఎంటర్టైనర్ ఇది. సీనియర్ దర్శకుడు దశరథ్ కథనందిస్తున్నారు. వినూత్న ప్రేమకథగా అందరిని ఆకట్టుకుంటుంది అని చిత్రబృందం పేర్కొంది. ఈ చిత్రానికి కెమెరా: సాయిసంతోష్, సంగీతం: కె.వేద, సంభాషణలు: ప్రవీణ్వర్మ, దర్శకత్వం: డీవై చౌదరి.
