అక్కినేని నాగార్జున నటిస్తున్న తాజా చిత్రం నా సామి రంగ. విజయ్ బిన్ని దర్శకత్వం. ఆషికా రంగనాథ్ ఫీ మేల్ లీడ్ రోల్లో నటిస్తుండగా, రెండో నాయికగా మిర్నా మీనన్ నటిస్తున్నది. అల్లరి నరేశ్, రాజ్ తరుణ్ కీలక పాత్రలు పోషిస్తున్నారు. ఈ చిత్రంలో మంగ పాత్రలో మిర్నా మీనన్ లుక్ను విడుదల చేశారు. ఇందులో ఈ అమ్మడు సంప్రదాయం ఉట్టిపడే చీరకట్టులో అచ్చ తెలుగందంతో మెరిసిపోతున్నది. నచ్చిన చెలికాడి కోసం ఎదురుచూపులు చూస్తున్నట్లుగా ప్రశాంత వదనంతో కనిపిస్తున్నది. గ్రామీణ నేపథ్యంలో హృదయాన్ని కదిలించే ప్రేమకథ, స్నేహం అంశాల కలబోతగా నా సామిరంగ చిత్రాన్ని తెరకెక్కిస్తున్నారు. ఈ సినిమాలో మిర్నా మీనన్ పాత్ర కథాగమనంలో కీలకంగా ఉంటుందని దర్శకుడు తెలిపారు. అల్లరి నరేష్, రాజ్తరుణ్, ఆషికా రంగనాథ్ తదితరులు నటిస్తున్నారు. ఈ మాస్ యాక్షన్ ఎంటర్టైనర్ సంక్రాంతి కానుకగా ఈ నెల 14న ప్రేక్షకుల ముందుకురానుంది. ఈ చిత్రానికి కెమెరా: శివేంద్ర దాశరథి, సంగీతం: ఎం.ఎం.కీరవాణి, నిర్మాత: శ్రీనివాస చిట్టూరి, దర్శకత్వం: విజయ్ బిన్ని.
