కోలీవుడ్ న‌టి వరలక్ష్మి శరత్ కుమార్ త్వరలోనే పెళ్లి పీట‌లు ఎక్క‌బోతుంది. ముంబాయికి చెందిన వ్యాపార వేత్త, ఆర్ట్‌ గ్యాలరీల నిర్వాహకుడు నిచోలై సచ్‌దేవ్‌ని త్వరలోనే ఆమె వివాహం చేసుకోనున్నారు. ఈ ఏడాది మార్చిలో వీరిద్ద‌రి ఎంగేజ్‌మెంట్ ఘ‌నంగా జ‌రిగింది. ఇక జూలైలో వీరి వివాహం జ‌రుగ‌నున్న‌ట్లు స‌మాచారం. ఈ క్ర‌మంలోనే పెళ్లి వేడుక‌ల‌కు సిద్దమవుతుంది. తాజాగా వరలక్ష్మి తమిళనాడు ముఖ్యమంత్రి స్టాలిన్ దంపతులను క‌లిసి ఆహ్వానం అందించింది. శరత్‌కుమార్, రాధిక శరత్‌కుమార్‌ల‌తో క‌లిసి స్టాలిన్ ఇంటికి వెళ్లిన వరలక్ష్మి త‌మ వివాహానికి రావాలని కోరింది. ఈ సంద‌ర్భంగా స్టాలిన్ నుంచి ఆశీస్సులు తీసుకుంది.
