శివకార్తికేయన్‌ కథానాయకుడిగా నటిస్తున్న తాజా చిత్రం అమరన్. సాయిపల్లవి కథానాయిక. రాజ్‌కుమార్‌ పెరియసామి దర్శకత్వం. చాలా మంది మూవీ లవర్స్ ఊహించినట్టుగానే అమరన్ విడుదల తేదీపై క్లారిటీ ఇచ్చారు. హీరోగా కనిపించని వ్యక్తి, మేజర్ ముకుంద్‌ వరదరాజన్‌ స్పూర్తితో ఈ దీపావళిని జరుపుకుందాం. శివకార్తికేయన్‌ రక్తపు మరకలతో కనిపిస్తుండగా, బ్యాక్‌ డ్రాప్‌లో జాతీయ జెండాను చూడొచ్చు. ఈ చిత్రంలో విశ్వరూపం ఫేం రాహుల్ బోస్‌ విలన్‌గా నటిస్తున్నాడు.
కథానుగుణంగా కశ్మీర్‌లో కీలక సన్నివేశాలను చిత్రీకరించింది అమరన్ టీం. కశ్మీర్‌లో 75 రోజులపాటు అమరన్ లాంగ్ షెడ్యూల్‌ పూర్తి చేశారు. ఇప్పటికే ఎస్‌కే 21 కశ్మీర్‌ షూటింగ్‌ లొకేషన్‌లో సాయిపల్లవి, శివకార్తికేయన్‌ దిగిన ఫొటోలు నెటిజన్లను ఇంప్రెస్ చేస్తున్నాయి. మరోవైపు సినిమా కోసం గైడ్‌ చేసిన రియల్‌ హీరోలు ఇండియన్ మిలటరీ జవాన్లకు ధన్యవాదాలు తెలిపారు. అక్టోబర్ 31న అమరన్ ప్రేక్షకుల ముందుకు వస్తోంది.
