స్టార్ హీరో అక్కినేని నాగచైతన్య కొత్త సినిమాను అనౌన్స్ చేశాడు. ద‌ర్శ‌కుడు కార్తీక్ వర్మ దర్శకత్వంలో చైతూ సినిమా చేయ‌బోతున్నాడు. నాగ చైత‌న్య పుట్టిన‌రోజు కానుక‌గా ఈ ప్రాజెక్ట్‌ను ఆఫీషియల్‌గా అనౌన్స్ చేశారు మేక‌ర్స్. ఈ సంద‌ర్భంగా ఫ‌స్ట్‌లుక్‌ని విడుదల చేశారు. ఎన్‌సీ24 అనే వ‌ర్కింగ్ టైటిల్‌తో వ‌స్తున్న ఈ చిత్రం సూపర్ న్యాచురల్ థ్రిల్లర్‌గా రాబోతున్న‌ట్లు తెలుస్తుంది. అయితే ఈ సినిమాలో క‌థానాయిక‌గా పూజా హెగ్డేను తీసుకోబోతున్నార‌ని టాక్ న‌డుస్తుంది. ఈ చిత్రాన్ని శ్రీ వెంకటేశ్వర సినీ చిత్ర బ్యాన‌ర్‌, సుకుమార్ రైటింగ్స్ బ్యాన‌ర్‌ల‌పై బోగ‌వ‌ల్లి ప్ర‌సాద్‌తో పాటు సుకుమార్ సంయుక్తంగా నిర్మిస్తున్నారు.
