రామ్ చరణ్ కథానాయకుడిగా నటిస్తున్న RC16 చిత్రం షూటింగ్ ప్రదేశంలో ఓ ప్రత్యేక అతిథి సందడి చేసింది. రామ్ చరణ్, జాన్వీ కపూర్ జంటగా బుచ్చిబాబు సానా దర్శకత్వంలో మైత్రీ మూవీ మేకర్స్ నిర్మిస్తున్న ఈ సినిమా చిత్రీకరణ హైదరాబాద్లో జరిగింది. ఈ సందర్భంగా రామ్ చరణ్ తన కుమార్తె క్లీంకారతో షూటింగ్ ప్రాంతంలో కనిపించారు. లొకేషన్లో ఆమె ప్రత్యేక ఆకర్షణగా నిలిచింది. షూటింగ్ ప్రదేశంలో తన కుమార్తె చేయి చాచి ఏదో చూపిస్తుండగా రామ్ చరణ్ ఆమెను చూస్తూ ఉన్న ఫొటో సామాజిక మాధ్యమాల్లో వైరల్ అయింది.మెగా పవర్ స్టార్ రామ్ చరణ్, బుచ్చిబాబు సానా కాంబినేషన్ లో ఓ సినిమా రూపొందుతున్న సంగతి తెలిసిందే. RC 16 అనే వర్కింగ్ టైటిల్ తో గతేడాది చివర్లో ఈ చిత్రాన్ని పట్టాలెక్కించారు.
