దుల్కర్ సల్మాన్ హీరోగా నటిస్తున్న చిత్రం ఆకాశంలో ఒక తార. సాత్విక వీరవల్లి కథానాయిక. పవన్ సాదినేని దర్శకుడు. గీతా ఆర్ట్స్, స్వప్న సినిమా సమర్పణలో సందీప్ గుణ్ణం, రమ్య గుణ్ణం నిర్మిస్తున్నారు. అగ్ర నాయిక శృతిహాసన్ ఈ సినిమాలో కీలక పాత్రను పోషిస్తున్నది. ఆమె పుట్టిన రోజు సందర్భంగా ఫస్ట్లుక్ను విడుదల చేశారు. కథాగమనంలో చాలా ప్రాధాన్యం కలిగిన పాత్ర ఆమెదని, కొంతకాలంగా సెలెక్టివ్గా సినిమాలు చేస్తున్న శృతిహాసన్కు కథ బాగా నచ్చడంతో ఈ ప్రాజెక్ట్లో భాగమైందని మేకర్స్ తెలిపారు.
వ్యోయగామి కావాలని కలలు కనే ఓ గ్రామీణ యువతి ఆశయాన్ని కథానాయకుడు ఎలా నెరవేర్చాడు? ఈ క్రమంలో వారి ప్రయాణంలోని మలుపులు ఆసక్తికరంగా ఉంటాయని, స్ఫూర్తినిచ్చే కథగా ఆకట్టుకుంటుందని దర్శకుడు పేర్కొన్నారు. ఈ వేసవిలో పాన్ ఇండియా స్థాయిలో విడుదలకు సిద్ధమవుతున్న ఈ చిత్రానికి సంగీతం: జీవీ ప్రకాష్, దర్శకత్వం: పవన్ సాదినేని.
