కార్తీక్‌ దమ్ము, ఐశ్వర్యాసింగ్‌, పవన్‌ మల్హోత్రా ప్రధాన పాత్రల్లో రూపొందిన చిత్రం ఫౌజా. ప్రమోద్‌కుమార్‌ పున్హానా దర్శకుడు. అజిత్‌ దాల్మియా నిర్మాత. హిందీలో రూపొందిన ఈ చిత్రానికి మూడు జాతీయ అవార్డులు వరించాయి. హిందీ ప్రేక్షకులను కూడా ఈ చిత్రం ఆకట్టుకున్నది మేకర్స్‌ చెబుతున్నారు. త్వరలో తెలుగులో విడుదల కానున్న ఈ సినిమాను హైదరాబాద్‌లో ప్రత్యేకంగా ప్రదర్శించారు. ఈ కార్యక్రమంలో చిత్ర కథానాయకుడు కార్తీక్‌ దమ్ముతోపాటు హర్యానా ప్రిన్సిపల్‌ సెక్రటరీ డా.డి.సురేశ్‌, శ్రీమతి కాంతి డి.సురేశ్‌ అతిథులుగా హాజరై చిత్ర బృందానికి శుభాకాంక్షలు అందించారు. అన్ని ప్రాంతాల వారికీ నచ్చే కథ ఇదని హీరో కార్తీక్‌ చెప్పారు. దేశం అంటే ప్రేమ, భక్తి ఉన్న ప్రతి ఒక్కరికీ ఫౌజా నచ్చుతుందని దర్శకుడు అన్నారు. ఈ చిత్రానికి కెమెరా: శశాంక్‌ విరాగ్‌, సంగీతం: యుగ్‌ భూషల్‌, నేపథ్య సంగీతం: సంకేత్‌ సానే.
