సూపర్ స్టార్ మహేష్ బాబు మేనల్లుడు, సూపర్ స్టార్ కృష్ణ మనవడు యంగ్ హీరో అశోక్ గల్లా ప్రస్తుతం తన రెండవ ప్రాజెక్ట్ అశోక్ గల్లా2 చేస్తున్నారు. గుణ 369 ఫేమ్ అర్జున్ జంధ్యాల దర్శకత్వం వహిస్తు న్నారు. ఈ చిత్రానికి క్రియేటివ్ డైరెక్టర్ ప్రశాంత్ వర్మ కథ అందించారు. లలితాంబిక ప్రొడక్షన్స్ ప్రొడక్షన్ నెం 1గా ఎన్నారై (ఫిల్మ్ డిస్ట్రిబ్యూటర్) సోమినేని బాలకృష్ణ ఈ చిత్రాన్ని నిర్మిస్తున్నారు. కె సాగర్ సహ నిర్మాత కాగా నల్లపనేని యామిని సమర్పిస్తు న్నారు.
ప్రస్తుతం ఈ సినిమా షూటింగ్ శరవేగంగా జరుగుతోంది. సినిమా మూడో షెడ్యూల్ తాజాగా వైజాగ్ లో ప్రారంభమైంది. ఈ లెంతీ షెడ్యుల్ లో సాంగ్, ఫైట్, టాకీ పార్ట్ ని షూట్ చేస్తున్నారు. ఈ కీలక షెడ్యూల్ లో టీం అంతా పాల్గొంటున్నారు. ఇటివలే అశోక్ గల్లా పుట్టినరోజు నాడు విడుదల చేసిన ఈ చిత్రం గ్లింప్స్ ట్రెమండస్ రెస్పాన్స్ వచ్చింది. టాప్ టెక్నీషియన్స్ ఈ సినిమాకు పని చేస్తున్నారు. భీమ్స్ సిసిరోలియో సంగీతం అందిస్తుండగా, ప్రముఖ సినిమాటోగ్రాఫర్ ప్రసాద్ మూరెళ్ల కెమెరామెన్ గా, తమ్మిరాజు ఎడిటర్ గా పని చేస్తున్నారు. ప్రముఖ రచయిత బుర్రా సాయిమాధవ్ డైలాగ్స్ అందిస్తున్నారు.
