కలర్స్ స్వాతి రెడ్డి ప్రధాన పాత్రలో నటిస్తున్న సినిమా ఇడియట్స్. నిఖిల్ దేవాదుల, సిద్దార్థ్ శర్మ, శ్రీ హర్ష ఇతర కీలక పాత్రల్లో కనిపించనున్నారు. తెలంగాణ పల్లె నేపథ్యంలో లవ్ ఎంటర్టైనర్గా ఈ సినిమా తెరకెక్కిస్తున్నారు. స్వచ్ఛమైన ప్రేమకథగా, వినోదాత్మక అంశాలతో రూపొందుతోంది. రియల్ హీరోస్ అనే ఉప శీర్షికని ఖరారు చేశాం. ఈ కథలో రియల్ హీరోస్ ఎవరనేది ఆసక్తికరం, కచ్చితంగా ఓ కొత్త రకమైన చిత్రంగా ప్రేక్షకుల మనసుల్ని గెలిచే చిత్రమిదని సినీ వర్గాలు తెలిపాయి. నవీన్ మేడారం షో రన్నర్గా వ్యవహరిస్తున్నారు. ఈ చిత్ర ఫస్ట్ లుక్ పోస్టర్ను తాజాగా విడుదల చేశారు. ముగ్గురు విద్యార్థులు చేసే అల్లరి పనులు, వాటికి ఉపాధ్యయులు ఇచ్చిన పనిష్మెంట్ను ఫస్ట్ లుక్లో చూపించారు. నిత్యశ్రీ, సురేష్, రాజేందర్ గౌడ్ తదితరులు ఇతర పాత్రల్లో నటిస్తున్న ఈ చిత్రానికి సిద్దార్థ్ సదాశివును సంగీతాన్ని అందిస్తున్నారు. అభిషేక్ పిక్చర్స్, అమోఘ ఆర్ట్స్, ఎంఎస్ఓపీ సంస్థలు సంయుక్తంగా నిర్మిస్తున్నాయి. దర్శకుడు ఆదిత్య హాసన్. అభిషేక్ నామా నిర్మాత.
