ధనుష్ కథానాయకుడిగా రూపొందుతోన్న చిత్రం కుబేర. రష్మిక మందన్న కథానాయిక. అక్కినేని నాగార్జున ప్రత్యేకపాత్ర పోషిస్తున్నారు. శేఖర్ కమ్ముల దర్శకుడు సునీల్ నారంగ్, పుస్కుర్ రామ్మోహన్రావు కలిసి నిర్మిస్తున్నారు. ప్రస్తుతం ఈ సినిమా షూటింగ్ ముంబయ్లో జరుగుతున్నది. 12రోజుల పాటు జరిగే ఈ షెడ్యూల్లో ధనుష్, రష్మిక, ఇతరులతో కూడిన కీలకమైన టాకీపార్ట్ను, కొన్ని యాక్షన్ ఎపిసోడ్స్ను చిత్రీకరిం చనున్నట్టు మేకర్స్ తెలిపారు. విజువల్గా వండర్ అనిపించేలా సినిమా ఉంటుందని వారు నమ్మకం వ్యక్తం చేశారు. సున్నితమైన భావోద్వేగాలతో కూడిన కథల్ని తెరకెక్కించే శేఖర్ కమ్ముల, ఈ సారి ప్రేక్షకులు ఆశ్చర్య పోయే కొత్త కంటెంట్తో రానున్నారనీ, పూర్తి కమర్షియల్ హంగులతో రూపొందుతోన్న ఈ సినిమా ఓ కొత్త అనుభూతిని పంచుతుందని మేకర్స్ తెలిపారు. జిమ్ సర్భ్ కీలక పాత్ర పోషిస్తున్న ఈ చిత్రాని కి కెమెరా: నికేత్ బొమ్మి, సంగీతం: దేవిశ్రీ ప్రసాద్, నిర్మాణం: శ్రీ వెంకటేశ్వర సినిమాస్ ఎల్.ఎల్.పి, అమిగోస్ క్రియేషన్స్ ప్రై.లిమిటెడ్, సమర్పణ: సోనాలి నారంగ్.
