బాలీవుడ్ న‌టుడు షాహిద్‌ కపూర్‌, కృతిసనన్ జంట‌గా న‌టిస్తున్న చిత్రం తేరీ బాతో మే ఐసా ఉల్జా జియా. అన్‌ ఇంపాజిబుల్‌ లవ్ స్టోరీ అనేది ఉపశీర్షిక. అమిత్‌జోషి-ఆరాధనా సాహ్ సంయుక్తంగా ఈ సినిమాకు ద‌ర్శ‌క‌త్వం వ‌హిస్తుండ‌గా, మాడాక్‌ ఫిల్మ్స్ బ్యాన‌ర్‌పై దినేష్‌ విజన్ నిర్మిస్తున్నాడు. ఈ చిత్రం ఫిబ్ర‌వ‌రి 09న ప్రేక్ష‌కుల ముందుకు రానుంది. ఇక విడుద‌ల తేదీ ద‌గ్గ‌ర ప‌డుతుండ‌టంతో మేక‌ర్స్ ప్ర‌మోష‌న్స్ వేగం పెంచారు. ఇప్ప‌టి కే ఈ సినిమా నుంచి ఫ‌స్ట్ లుక్ విడుద‌ల చేయ‌గా, న్యూఏజ్‌ రొమాంటిక్ లవ్ స్టోరీగా ఈ మూవీ ఉండ‌నున్న‌ట్లు తెలుస్తుంది. ఈ మూవీ నుంచి మేక‌ర్స్ ఫ‌స్ట్ సింగిల్ విడుద‌ల చేశారు. లాల్ పీలీ అకియాన్ అంటూ ఈ పాట ఉండ‌గా ఫుల్ రొమాంటిక్‌గా ఈ పాట సాగింది. ఇక ఈ పాటకు షేక్ జానీ బాషా కొరియోగ్రఫీ అందించగా, తనిష్క్ బాగ్చి లిరిక్స్ కంపోజ్ చేశాడు. నీరజ్ రజావత్ ఈ పాటకు సాహిత్యం అందించగా, రోమి.. తనిష్క్ ఈ పాటను ఆలపించారు.
