న్యూ ఇయర్ వేడుక జరుగుతున్నది. అంతా మంచి జోష్లో ఉన్నారు. మరో రెండు నిమిషాల్లో కొత్త ఏడాదిలోకి ప్రవేశించబోతున్నారు. చుట్టుపక్కల పటాకులు పేలుతున్నాయి. కానీ అక్కడ మాత్రం తుపాకులు మోగాయి. ఈ కాల్పుల్లో ముగ్గురు అక్కడిక్కడే మృతి చెందారు. ఈ ఘటన అమెరికాలో జరిగింది. అగ్రరాజ్యం అమెరికాలో మరోసారి కాల్పులు కలకలం రేపాయి. మిసిసిపీలో దుండగులు కాల్పులకు తెగబడటంతో ముగ్గురు మృతి చెందారు. మరో నలుగురికి తీవ్రగాయాలు కాగా, ఒకరి పరిస్థితి విషమంగా ఉంది. మిసిసిపీ గల్ఫ్ పోర్ట్లో నూతన సంవత్సర వేడుకల్లో ఈ ఘటన చోటు చేసుకుంది. దుండగులు ఒక్కసారి పౌరులపై కాల్పులు జరిపినట్టు పోలీసులు వెల్లడిరచారు.
